मञ्चमा प्रमूख अतिथिको व्याच पहिरेका
आकाश कालो भएर आयो । एकैछिन अगाडी चर्को घाम । एकैछिनमा पानी खस्न लागेपछि श्रोताहरु चलमलाउन लागे । मञ्चमा बोलीरहेका ओलीलाई छाता ल्याएर ओडाइयो । छाता ओडेपछि ओली कमरेडले भने “यो भीमेश्वर खुसाएको लक्षण हो । कोही आत्तिनु पर्दैन ।” जिल्लाका विभिन्न स्थानबाट ७० भन्दा बढि बसमा आएका कार्यकर्ताले भरिपूर्ण सभास्थल ५ मिनेटमा नै रित्तियो ।
नेकपा एमाले दोलखाको आठौं जिल्ला अधिबेशन उद्घाटन समारोहमा देखिएको दृश्य हो यो निर्धारित समयभन्दा ३ घण्टा ढिलो कार्यक्रमस्थल छिरेका नेता ओलीलाई आयोजकले छिट्टै नै बोल्ने पालो मिलाईदिएका थिए । मञ्चमा पुगेपछि उनले दोलखा एमालेको पहिलो जिल्ला अधिबेशनको सम्झना गरे । त्यसपछि उनि नेपालको इतिहास कोट्याउन लागे । उनले पृथ्वीनारायण शाहले गरेको एकिकरणको प्रसङ्ग निकाल्दै देश मजवुत बनाउन एकिकरण सहि भएको बताए र माओवादी र जातिय पहिचान माग गरिरहेका समुहप्रति लक्षित गर्दै उनले भने “अहिले समाजमा भएको सहिष्णुता खल्बल्याएर टुक्रा टुक्राको परिकल्पना गरिंदैछ । समाजमा एकता कायम राख्न आगामी निर्वाचनमा एमालेलाई जिताउनुको विकल्प छैन” ।
- माओवादीप्रति आक्रोश
सभामा बोल्ने धेरैजसो बक्ताले अधिकांश समय माओवादीको निन्दा गर्न खर्च गरेका थिए । युथ संघका केन्द्रिय अध्यक्ष महेश वस्नेतले माओवादी अपराधीहरुको पार्टी भएको आरोप लगाए । “गाँउगाँउमा आएको रकम माओवादीहरुले दुरुपयोग गरेका छन । एक एक हिसाब खोज्नुपर्छ”, उनले भने । माओवादीले विगतमा जस्तै उच्छृङ्खल व्यवहार गरे चुप लागेर नबस्ने उनको भनाई थियो ।
- डा. साप एमालेमा
apawad@hotmail.com
