गजल ..खानलाई अन्न

खानलाई अन्न छैन, शौचालय बना भन्छ सरकार
विकास गर्छु भनिकन, डाँडामा इनार खन्छ सरकार ।

काखी च्याप्दै अपराधी, सुरक्षाको रटान लगाईन्छ यता
होचा मुखाँ घोचो हुन्छ, अग्लाकै टाउका गन्छ सरकार ।

राज्य मेरो पनि त हो, भन्नु नि ठूलै गल्ति हुन थाल्यो
समयको माग भन्दै, उग्र नश्लवादी बन्छ सरकार ।

केही पनि छैन अरे, अझै नि देशको नागरिक बन्न
एउटै प्रश्न सोध्नु भन्थे, कुन ठाँउमा रहन्छ सरकार ?

आफैं समस्यामा छ उ, कसरी रक्षा गर्छ होला मेरो
बालुवाको घर जस्तै, हाच्छ्यु गरे भत्कन्छ सरकार ।


२०७० माघ २५
apawad@hotmail.com