हुन त उनका आँखाको ज्योतिले संसार पहिल्याउन सक्दैनन् । उनले थाहा पाएदेखी नै उनी दृष्टिविहिन थिईन । सानैमा जण्डिसका कारण उनको आँखाको ज्योती गुमेको हो । संसार हेर्ने बाहिरी आँखा गुमेपनि संसार हेर्ने उनका आँखा गुमेका छैनन । उनि अहिले दोलखाको रेडियो शैलुङ्ग सामुदायिक एफ एममा अपाङ्ग सरोकार कार्यक्रम उत्पादन गर्छिन । दोलखाको सुनखानी भएकी गितालक्ष्मी शिवाकोटी अहिले आफूजस्तै अपांगता भएका व्यक्तिहरुको लागि कार्यक्रम गर्न लागेकी छिन ।
उनका बारेमा नेपाल टेलीभिजनबाट प्रसारित रिपोर्ट
दोलखामा रहेका अपाङ्गता भएका व्यक्तिहरुका लागि सहयोग गर्न उनि अहिले कन्सर्टको तयारीमा छिन । आउने बैशाख ३ गते चरिकोटको सातदोबाटोमा कन्सर्टको आयोजना गरिएको उनले वताएकी छिन । “अपाङ्गता भएका मानिसहरुलाई केही सहयोग गर्न सकिन्छ की भनेर कार्यक्रमको आयोजना गरेको हुँ”, उनले भनिन ।
कार्यक्रम गर्नका लागि पर्याप्त रकम उनीसंग छैन । कसैले सहयोग गर्छन कि भन्ने आशा छ, शिवाकोटीले भानिन । कार्यक्रमका लागि कसैले सहयोग गर्न चाहनुभयो भने उहाँलाई सम्पर्क गर्न सक्नुहुन्छ । यसका लागि उहाँको सम्पर्क मोबाईल नं ९८४४१९५३९६ रहेको छ ।
