टुक्रा टाक्री ३

      अपवाद

           १ 
ऋण गरेर छाना
छाउनु गल्ति थियो
दुइको बीचमा म
आउनु गल्ति थियो

उसले त भन्या थ्यो
मेरो अर्कैतिर छ ।
कर गरेर माया
लाउनु गल्ति थियो ।।

२ 

कती साह्रो रिस गर्छौ, केही कुरा गरौं न हो

एक्लै जानु गाह्रो हुन्छ, संगै नदि तरौं न हो |

कैले काँही गल्ती हुन्छ, स्विकारी नै सकिसकें

रिस राग छोड्दै अव माया प्रेम भरौं न हो ।।

३                                 

ठिक गरेँ कि बेठिक गरेँ

तिम्रो साथ छोडेँ अब

हिजो गरेका बाचा कसम

सधैंलाई तोडें अब

अनन्तको लक्ष्य थियो

बिचैमा टुट्न गयो

नयाँ संसार सुरु गर्न

अन्तै नाता जोडें अब

          ४   

तिम्रो कि मेरो गल्ती,
खुट्ट्याउन मन छ ।
दुध दुध, पानी पानी
छुट्ट्याउन मन छ ।।

अति भो अबचाँही,
केही त गर्नैपर्छ
सुमधुर यो सम्बन्ध,
टुटाउन मन छ ।। 

 ५   

जे मन लाग्छ गरे हुन्छ 
एक्लै नदि तरे हुन्छ । 

तिम्रो भलो हुन्छ भने ?

अन्तै बसाई सरे हुन्छ ।।

६            

पर्खी बसौं की अघि जाँउ 
दोधारमा छु ।

यतै डाकुँ की त्यतै आउँ 

दोधारमा छु । 

समय संघारमा छ । 

म दोधारमा छु । 

सबै दोष लिउँ की लाउँ 

दोधारमा छु ।