गजल:बनाँउछु भन्दै

बनाँउछु भन्दै थियौ, भा’को पनि तोड्यौ तिम्ले
सुन्दर संसार जाने बाटो, कुरुपतिर मोड्यौ तिम्ले ।


वाचा कसम खा’थ्यौ हिजो, नयाँ संसार निर्माण गर्न
अमृतको सहरभित्र, विषको बोटलाई गोड्यौ तिम्ले ।

छुन्छु भन्थ्यौ चन्द्रमा, पाँए भने मेरो साथ
उपयोग ग¥यौ अनि, बिच बाटैमा छोड्यौ तिम्ले ।

घिन लाग्न लागिसक्यो, तिम्रो नाङ्गो नाच हेर्दा
घरभित्रको समस्यामा, शत्रुसँ काँध जोड्यौ तिम्ले ।

जति आस थियो मेरो, सबै आज निरास भयो
आशाहरु मारेँ मैले, विश्वास सबै फोड्यौ तिम्ले ।

अर्जुन  ‘अपवाद’
मिर्गे–५,चिलाउनेखर्क
दोलखा
apawad@hotmail.com