क्षेत्रिय फुटबल प्रतियोगितामा लालीगुराँसको कब्जा

जिरिमा सञ्चालन भएको क्षेत्रिय फुटबल प्रतियोगितामा चरिकोटको लालिगुराँस टिमले प्रतियोगिताको उपाधी जितेको छ । असारको २० गते सम्पन्न भएको प्रतियोगिताको फाइनल खेलमा लालिगुराँस युवा क्लबले स्थानिय लिङ्कन व्वाइज क्लबलाई ४–१ गोलअन्तरले पराजित गर्दै उपाधीमा कब्जा जमाएको हो ।

जिल्लाका सात टिम सहभागि भएको प्रतियोगताको उद्घाटन जिल्ला फुटबल संघका उपाध्यक्ष बाबुराजा श्रेष्ठले गर्नुभएको थियो । प्रतियोगिता जिल्ला विकास समितिको युवा साझेदारी कार्यक्रमको सहयोगमा सहभागिमुलक ग्रामिण विकास कार्यक्रम चरिकोटले आयोजना गरेको थियो भने स्थानिय रुपमा प्रतियोगिता सञ्चालनका लागि द रियल डबल स्टार युथ क्लव जिरिले सहयोग गरेको थियो । प्रतियोगितामा विजयी टिमलाई एक समारोहका विच जिल्ल फुटबल टिमका उपाध्यक्ष वावुराजा श्रेष्ठले नगद पुरस्कार सहित शिल्ड मेडल र प्रमाणपत्र
प्रदान गर्नुभएको थियो ।