कुकुरको बन्ध्याकरण !

सदरमुकाममा बढ्दै गएको कुकुरको संख्या नियन्त्रणका लागि कुकुरको बन्ध्याकरण गरिने भएको छ । भीमेश्वर नगरपालिकाको आर्थिक तथा जिल्ला पशुसेवा कार्यालयको प्राविधिक सहयोगमा हिमालयन एनिमल रेस्क्यु ट्रष्ट (हार्ट)ले कुकुर बन्ध्याकरण अभियान सञ्चालन गर्न लागेको हो । 

तीन दिनसम्म सञ्चालन हुने बन्ध्याकरण अभियानमा ५० भन्दा बडि कुकुरको बन्ध्याकरण गरिने लक्ष्य राखिएको छ । कार्यक्रमबारे जानकारी दिनका लागि हिजो जिल्ला पशुसेवा कार्यलयमा आयोजना गरिएको पत्रकार सम्मेलनमा यो जानकारी दिइएको हो ।  पत्रकार सम्मेलनमा बोल्दै भीमेश्वर नगरपालिकाका इञ्जिनियर सुरेश राउतले यस कामका लागि कार्यालयले ३० हजार रुपैंया खर्च विनियोजन गरेको जानकारी दिए । कार्यक्रममा बोल्दै हार्टका खगेश्वर भट्टराईले पहिला कुकुरलाई विष खुवाएर मार्ने गरिएको भएपनि त्यसले अन्य खालका समस्या निम्त्याएपछि यो काम सुरु भएको वताए । कार्यक्रममा आफ्नो भनाई राख्दै जिल्ला पशुसेवा कार्यालयका पश चिकित्सक रामचन्द्र सापकोटाले एउटा कुकरको बन्ध्याकरणका लागि  भालेलाई १ हजार तथा पोथी कुकुरका लागि ३ हजार रुपैंया न्युनतम खर्च हुने वताँउदै यो पद्धती कुकुरको संख्या रोकथाम गर्न धेरै नै प्रभावकारी हुने वताए । 

अभियान अन्तर्गत कुकरलाई रेविजको खोप पनि लगाईने आयोजकले जानकारी दिएको छ ।