यहि बैशाख १२ गते गएको भूकम्पबाट जिल्लामा पिडित भएकाहरुलाई राहत गैरसरकारी संस्थामार्फत बाँड्ने निर्णय भएको छ । जिल्ला दैवीप्रकोप उद्धार समितिको विहिबार वसेको बैठकमा उक्त निर्णय भएको बैठकका सहभागि नेकपा एमाले दोलखाका अध्यक्ष इश्वरचन्द्र पोखरेलले जानकारी दिए । उनका अनुसार जिल्लामा रहेका २ नगरपालिका र ४८ गाविसमध्ये ५ गैससलाई ४१ गाविसमा राहत वितरणको जिम्मेवारी दिईएको छ । बाँकी ७ गाविस र २ नगरपालिकामा भने जिल्ला दैवी प्रकोप उद्दार समितिमार्फत राहत वितरण गरिनेछ । ‘बैठकमा भूकम्पका कारण क्षतिग्रस्त भएका घर सरकारी टोलीको अनुमतिविनै भत्काउन सकिने निर्णय समेत भएको छ’, उनले भने ।
दोलखाका सहायक प्रमूख जिल्ला अधिकारी औलख बहादुर आलेले विहिवार बसेको
बैठकमा प्लान ईन्टरनेशनल नेपालले १६ गाविस, ग्रामिण विकास टुकी संघ दोलखाले
८ गाविस, स्विस विकास नियोग(एसडिसी)ले ७ गाविस,नेपाल ग्रामिण पुननिर्माण
संस्था (आरआरएन)ले ६ गाविस, र रेडक्रसले ४ गाविसमा राहत वितरण कार्यको
जिम्मेवारी लिएको जानकारी दिए । राहत वितरणका लागि शनिबारबाट जिम्मेवारी
लिएका संस्थाहरुको नेतृत्वमा जिल्लाभर टोली खटाईने छ । जिल्लामा भूकम्पमा
परि हालसम्म ७५ जनाले ज्यान गुमाएको र ३ सय ४ जना घाईते भएको जिल्ला
दैवीप्रकोप उद्धार समितिले जानकारी दिएको छ । समितका अनुसार जिल्लाका ५०
हजार वढि घर बसोबास गर्न नसक्ने गरि भत्किएका छन् ।
राहत वितरणको जिम्मेवारी पाएका संस्था र गाविस | ||
---|---|---|
क्रम संख्या | संस्थाको नाम | गाविस/नगरपालीका |
१ | प्लान ईन्टरनेशनल नेपाल | लापिलाङ,सुनखानी, सुन्द्रावती, सुष्पाक्षमावती, बोच, लाकुरीडाँडा, मागापौवा, फस्कु, काटाकुटी, शैलुङ्गेश्वर, ताम्चेत दुधपोखरी, भुषाफेदा, पवटी, घ्याङ्गसुकाठोकर, भेड्पु र डाँडाखर्क |
२ | ग्रामिण विकास टुकी संघ | लामिडाँडा, खोपाचाँगु, विगु, आलम्पु, लादुक, बाबरे, चिलंखा र कालिञ्चोक |
३ | स्विस विकास नियोग(SDC) | बुलुङ, ओराङ, खारे, लामाबगर, गौरीशंकर, चंखु र मार्बु |
४ | नेपाल ग्रामिण पुननिर्माण संस्था (RRN) | मालु, जफे, झुले, भिरकोट, गैरीमुदी र मिर्गे |
५ | रेडक्रस | मेलुङ, हावा, च्यामा, र शहरे |
६ | जिल्ला दैवी प्रकोप उद्धार समिति | जिरी नगरपालीका, भीमेश्वर नगरपालीका, सुरी, श्यामा, झ्याकु, काब्रे, जुँगु, क्षेत्रपा र नाम्दु |
- अझै पुगेन राहत ।
जिल्ला सदरमुकामसँगै जोडिएको राउतगाँउकी ७४ वर्षिय कृष्णकुमारी राउत विहानैदेखी नगरपालिकाको कार्यालयमा त्रिपाल लिनका लागि लाईनमा थिईन । अबेरसम्म उनले त्रिपाल पाईसकेकी थिईनन् । त्रिपाल नभएर खुला चौरमा रात कटाउनुपरेको उनले बताईन । ‘घर बस्नै नसक्ने गरेर भत्किएको छ । आज त्रिपाल दिने भन्ने सुनेर लिन आएको पाईने नपाईने टुङ्गो छैन ।’
गाँउमा पहुँच हुनेले एक परिवारका लागि ४ ओटासम्म त्रिपाल लिएको भन्दै उनले राहत वितरणमा भेदभाव गरिएको गुनासो गरिन । जिल्ला विकास समितिले जिल्लाका सबै परिवारलाई समान रुपमा बाँडेको दुई हजार रुपैंया राहत समेत गाँउमा सबै परिवारले पाउन नसकेको उनको भनाई छ ।
गाँउमा पहुँच हुनेले एक परिवारका लागि ४ ओटासम्म त्रिपाल लिएको भन्दै उनले राहत वितरणमा भेदभाव गरिएको गुनासो गरिन । जिल्ला विकास समितिले जिल्लाका सबै परिवारलाई समान रुपमा बाँडेको दुई हजार रुपैंया राहत समेत गाँउमा सबै परिवारले पाउन नसकेको उनको भनाई छ ।
- भूकम्पले झोलुङ्गे पुल चुँडियो, तीन गाविस प्रभावित ।
शुक्रवार विहान आएको भुकम्पका कारण तामाकोसी नदीमाथिको सुनखानी लामीडाँडा र जुँगु गाविस जोड्ने झोलुङ्गे पुल चुँडिएको छ । पुल चुँडिएपछि उत्तरी क्षेत्रका जुँगु, क्षेत्रपा, झ्याकु लगायत गाविसका वासिन्दा प्रत्यक्ष मारमा परेका छन । पुल चुँडिदा उत्तरी क्षेत्रको बजार सिङ्गटीमा निर्भर रहेका जुँगु क्षेत्रपा, झ्याकु लगायतका गाविसका वासिन्दा मारमा परेको सिङ्गटीबाट नवराज पाठकले जानकारी दिए ।
- प्रहरी महानिरिक्षक दोलखामा ।
यसैबिच प्रहरी महानिरिक्षक उपेन्द्रकान्त अर्याल दोलखा आईपुगेका छन । भुकम्प प्रभावित जिल्लाको भ्रमणका क्रममा रामेछाप जिल्लाको भ्रमणपछि अर्याल गृहसचिव सूर्य बहादुर सिलवालसँगै दोलखा आईपुगेको जिल्ला प्रहरी कार्यालय दोलखाले जानकारी दिएको छ । टोलीले जिल्लामा भुकम्पपिडितहरुको अवस्था तथा राहत वितरणको बारेमा जानकारी लिएको थियो ।
No comments:
Post a Comment