महाभारत कथालाई विश्वमा एक उत्कृष्ट कथाका रुपमा लिइने गरिन्छ । यसको मुल संस्कृतमा एक लाख श्लोक छन् । महाभारतमा भएका रमाइला रमाइला कथाहरु म यस खण्डमा प्रस्तुत गर्नेछू । हामीले सुन्दै पढ्दै आएको कुरा के हो भने कौरबहरुले पाण्डबहरुलाई लाहाका घरमा राखेर जलाउन खोजेका थिए । यसबारेमा अर्को रमाइलो कथा छ । जसले लाहाको घर बनाउन लगाको थियो । उ नै त्यहि घरमा जलेर मरेको रैछ .....
दूर्योधनको सल्लाहमा राजा धृतराष्ट्रले पाण्डबलाई बरणाबत शहरमा पठाउने निर्णय गरे । बरणाबतमा एउटा घरमा आगो लगाएर पाण्डब मार्ने दूर्योधनको योजना थियो । यस योजनामा मन्त्री पुरोचनले साथ दिएको थियो । पुरोचनलाई बोलाएर दूर्योधनले सल्लाह गर्यो । मैले पाण्डवहरुलाई बारणावत पठाउन बाबुलाई मनाएँ । अव उनिहरुलाइ कसरी सिद्ध्याउने त्यसमा उपाय दिनुपर्यो ।
पुरोचन र दूर्योधनको सल्लाहमा एक भव्य दरवार वारणाबातमा बनाउने तय भयो । त्यसका लागि पुरोचन आफैं वाराणावततिर लाग्यो । दरवार बनाउँदा आगो छिट्टै लाग्ने र भित्र पसेपछि भाग्न नमिल्ने गरि बनाउने भन्ने सल्लाह भयो ।
पाण्डबहरु वाराणावततर्फ प्रस्थान गर्ने दिनमा विदुर सँगै आएर उनले दोहोरो अर्थ दिने कुरा गरे । जसबाट षडयन्त्र भैरहेको छ भन्ने कुरा पाण्डबहरुले अनुमान गरे । पुरोचन पनि केहि दिनमा वारणावत पुग्यो । उ पनि पाण्डबहरुसँगै बस्न लाग्यो । एकदिन पाण्डबहरुका साथमा एक विदुरको दूत पुग्यो र भन्यो यो घरमा राखेर तिमीहरुलाई जलाउँदै छन् । म सुरुङ्ग बनाउन जान्ने भएका कारण मलाइ विदुरले पठाएका हुन् । त्यसपछि दूत र पाण्डब मिलेर सुरुङ्ग बनाए । दूतले कुन दिन षड्यन्त्र हुँदैछ भन्ने जानकारी पनि दियो । काम सकिएपछि पाण्डबहरु सुरुङ्गबाट बाहिर निस्किए र दरबारमा आफैंले आगो लगाइदिए ।
पुरोचन पाण्डबहरुको विश्वास जितेर दरवारमा आगो लगाउन गएको थियो । उ सुतेकै ठाउँमै जलेर मर्यो । किनभने उसले आगो लगाउन तोकेको मितिभन्दा पहिला नै सुरुङ्ग खन्ने काम सकिएको थियो । पाण्डवले योजना सबै थाहा पाइसकेका थिए ।
महाभारतको यो कथा कस्तो लाग्यो लेख्नुस है । म अरु कथा पनि लेखौला आगामि दिनमा .....
No comments:
Post a Comment