शालिक आवाज

“अपवाद”

हे जिउँदाहरु हो 

के तमासा हेरिरहेछौ

माथी पुग्ने नाममा

आफ्नै कारणबाट

दिन प्रतिदिन तल खसिरहेछौ

नचाहेरै पनि

टुलुटुलु तिमीहरुको

आँखै बन्द गर्नूपर्ने

मष्तिष्क खल्बल्याउने

फोहोरी खेल 

कति दिन कति समय

हेरिरहुँ म 

यो चोकको विचबाट

म यहाँ जहिलेदेखि राखिएँ 

त्यहि दिन त्यसै बेलादेखि

धेरैपटक थुप्रै चोटी

तिम्रा अगुवाले 

मलाई झै

तिमीहरुलाई पनि

आफ्नो स्वार्थका लागि 

प्रयोग गरिरहेछ लगातार

हजारौँ पटक तिमीलाई

मेरो नाम लिदैँ अलमल्याइरहँदा

म वेचैन छु 

के गर्ने के नगर्ने

सोच्न  सकिरहेको छैन  

म ढलेका बेला 

देश जलेका बेला 

कति धेरै सपना 

मैले तिमीहरुका लागि सोचेको थिएँ

खै पुरा हुने दिन कहिले आउला

म आश गरिरहेको छु 

apawad@hotmail.com