तिमीलाई हास्ने निउँ भो....................

 “अपवाद”

तिमीलाई हास्ने निउँ भो यो देशको रुवाबासी
तिमी गितमा नाचिराथ्यौ लखेटिदा सिमाबासी

तिम्रो भनाइ नमान्ने जन यहि देशका थिए
सबै पराई देख्न लाग्यौ आज को को के के भए
खरानीको दूःख हुन्न बस्ने आफ्नो घरै मासी
तिमी गितमा नाचिराथ्यौ लखेटिदा सिमाबासी



आफ्नै डम्फु बजाउछौ कैलेसम्म यस्तै गरि
बन्ला र नया घर तोकिएको सिमा भरि ?
लागिसक्यो यो देशमा बेथितीको ठूलै राशी
तिमी गितमा नाचिराथ्यौ लखेटिदा सिमाबासी

हाम्रा काधमा चढेका थियौ नया घर बनाउन
जिम्मेवारी विर्सियौकी ? नया पर्व मनाउन
सुन्तलीको चित्कारलाई टा¥यौ हाँसी हाँसी
तिमी गितमा नाचिराथ्यौ लखेटिदा सिमाबासी

आफैलाई नपोल्ने कस्तो आगो फूक्यौ देशमा
कति दिन हेरिराख्नु तिमीलाई नाङ्गो भेषमा
नया बन्ने आश म¥यो भाको पनि त्यसै नासी
तिमी गितमा नाचिराथ्यौ लखेटिदा सिमाबासी

पराइका बुइ चढी भाइसँग कुस्ती खेल्दा
नैतिकता पतन भो आफै आफै रुमल्लिदा
घर बन्ला र खरानीको पिण्डसँग अँगार गाँसी
तिमी गितमा नाचिराथ्यौ लखेटिदा सिमाबासी

सगरमाथा रुँदा आज तराइ डुब्न तयार छ
तिम्रो अझै ध्यान पुगेन विदेशको शयर छ
पश्चिम तिर महामारी तिमीलाइ हुन्छ बासी
तिमी गितमा नाचिराथ्यौ लखेटिदा सिमाबासी