ईश्वरी दाहाल
मिर्गे / दाउराको बचत हुने तथा धुवाँले भाँडा कम कालो हुने भएपछि मिर्गे गाविसमा अहिले सुधारिएको चुलो बनाउने लहर चलेको छ । स्थानिय आर्वतन चेतना क्लबको जनचेतना अभियानपछि चुलो निर्माण गर्नेहरुको संख्या बढेको हो । परम्परागत चुलो भन्दा सुधारिएको चुलोमा दाउरा खपत कम हुने भएका कारण आफुले घरमा सुधारिएको चुलो निर्माण गरेको बताँउछीन मिर्गे – ५ , चिलाउनेखर्ककी नन्दकुमारी दाहाल । “यसले गर्दा दाउरा कम लागेको छ । यसले समय पनि बचत भएको छ । ” उनले भनिन ।
पछिल्लो समयमा सुधारिएको चुलो निर्माण तर्फ आकर्षण बढ्दै गएको बताँउछिन सुधारिएको चुलो पर्वद्धक मलमली तामाङ । “यो वर्षमा मात्र करिब १०० ओटा सुधारिएको चुलो निर्माण भयो होला ।” उनले भनिन । चेतना क्लबले गरेको सचेतना अभियानमा धुवाँले आँखा तथा मुटुसम्बन्धी रोग लाग्ने र सुधारिएको चुलो बनाँउदा धुवाँका कारण लाग्ने रोगमा कमी आउने थाहा पाएपछि आफुले पनि सुधारिसएको चुलो निर्माण गरेको बताँउछिन मिर्गे– ५,चिलाउनेखर्ककै बिन्दा दाहाल । परम्परागत चुलोको जसरी समय दिइरहनुनपर्ने तथा भाँडा पनि कम कालो हुने भएका कारण अधिकाश घरमा यो चुलोको प्रयोग बढ्न लागेको बताँउछन मिर्गेका दिपकुमार दाहाल .
