गजल:तिमीसँग जिउनुभन्दा

- अर्जुन ‘अपवाद’

तिमीसँग जिउनुभन्दा सेरिएर मर्नु जाती ।
क्षणिक हुने यो नातालाई यहीं अन्त गर्नु जाती ।

झूटा रै’छन कसम तिम्रा म सामु तिम्ले खा’का,

भोली एक्लै रुनुभन्दा विश्वासघातमा पर्नु जाती ।

तिमी आफ्नै बाटो लाग्यौ म आफ्नैतिर,

तिम्रो आश मर्यो अब अन्तै बसाइ सर्नु जाती ।

निर्णय लिने समय भो कति बसौँ  दोधारमा,
तिम्रो हात नपाइने भो एक्लै जंघार तर्नु जाती ।

सबै कुरा बुझिसकें के छ अब बुझ्न बाँकी,
उजाड मनमा बस्नुभन्दा अर्कै मन भर्नु जाती ।

apawad@hotmail.com