चिनीयाले पड्काएको पटकाले नेपाली आतङ्कित

दोलखाको लामावगर गाविसमा निर्माण भइरहेको माथिल्लो तामाकोसी जलविद्युत आयोजनामा कार्यरत चिनिया मजदुरहरुले पटका आतङ्क मच्चाएको स्थानिय वासिन्दाले आरोप लगाएका छन ।

नयाँ वर्षको खुसियालीमा भन्दै हिजो वेलुका र आज वेलुका ७ः३० वजेदेखि ८ वजेसम्म विना जानकारी पटका पड्काएर स्थानियहरुलाई आतङ्कीत वनाएको स्थानिय गोगर टोलसुधार समितीका सदस्य इन्द्र वहादुर केसीले जानकारी दिनुभयो । तामाकोसी परियोजनामा सिविल इञ्जििनियरिङको काम चिनिया कम्पनि सिनो हाइड्रोले गरिरहेको छ ।

विना जानकारी पटका पड्काँउदा त्यसले वालवालिका तथा विद्यार्थीहरुको पठनपाठनमा असर गरेको केसीले जानकारी दिनुभयो । यस घटनाका वारेमा नजिकै रहेको प्रहरी चौकीले पनि कुनै चासो नदिएको स्थानियको आरोप छ । "यसका बारेमा जिल्लामा डि एस पी संग पनि कुरा गर्यौ  तर हिजै उहाँले यसका बारे मा बुझेर रोक्न लगाउछु   भनेका थिय  ।  तर आज फेरी चिनियाहरुले जनतालाई त्रस्त  बनाए ।" यसका वारेमा माथिल्लो तामाकोसी जलविद्युत आयोजनाका विष्णुवहादुर थापालाई जानकारी दिंदा उहाँले त्यसका वारेमा आफुलाई जानकारी नभएको जवाफ दिएको पनि केसिले वताउनुभयो । स्थानिय तामाकोसी सरोकार समितिका नारायण गुरुङ्ग सरकारले नागरिकलाई समेत पड्काउन नदिने पटका पड्काएर चिनिँयाहरुले नेपालको कानुन मिचेको वताउनुहुन्छ । यस समाचारको स्वतन्त्र पुष्टि हुन सकेको छैन । 

प्रकाशन २०६८ माघ ९ गते वेलुका ९ः०० वजे