प्रहरीको कार्यालयमा मानिसहरु आफ्ना वियिभन्न समस्या लिएर जाने गर्छन । वा आफुलाई कुनै अपराधिक कृयाकलापको आरोप लागेमा प्रहरि कार्यालय धाउने सर्वसाधारण हिजो चरिकोटको जिल्ला प्रहरी कार्यालय अलि फरक कामले जम्मा भएका थिए । ग्यास लिनका लागि .
जिल्लामा ग्यासको चरम अभाव भएर विक्रि गरिने केन्द्रमा उपभोक्ताको भिड बढेपछि प्रहरी कार्यालय परिसरबाट नै ग्यास वितरण गरिएको हो ।
चरिकोटका व्यापारी कुमार उप्रेतीले आफ्नो पसलमा बिक्रि वितरण गर्न दोलखा ल्याउन लागेको श्रीकृष्ण ग्यास बाटोमै खोसिन सक्ने सम्भावना रहेको कारण जिल्ला प्रहरी कार्यालयवाट वितरण गर्नुपरेको प्रहरीले वताएको छ । ग्यास वीचवाटोमा खोसीने शंकाका कारण प्रहरीले मानिसलाइ भन्दा कडा सुरक्षा दिएर ग्यास दोलखाको सिमाना खरिढुङगा देखी स्कटिङ गरेर ९६ वटा ग्यासको सिलिन्डर चरिकोट ल्याएको थियो । ग्यास व्यापारीका पसलमा नभई प्रहरी कार्यालयमा ल्याएको थाहा पाएपछि सर्वसाधारण प्रहरी कार्यालयमा नै लाइन वसेका थिए ।
लाइन वसेका ६० भन्दा बढी सर्वसाधारणलाई प्रहरी कार्यालयबाट ग्यास वितरण गरेको थियो भने बाँकी रहेको ग्यास भने डिपोबाट वितरण गरिएको थियो । ग्यासको अभाव भोगिरहेका दोलखाका सर्वसाधारण रातीदेखी नै ग्यास पाउने आशामा ग्यास डिपो र जिल्ला प्रहरी कार्यालय परिसरमा लाईनमा बसेका थिए ।
प्रहरी कार्यालयबाट ग्यास वितरणको क्रममा लाईनमा बसेका सर्वसाधारणलाई नदिई प्रहरी आफुले अगाडि लिएर गएको भन्दै स्थानियले विरोध समेत गरेका थिए । जिल्ल प्रहरी कार्यालय दोलखाका प्रहरी नायव उपरीक्षक उमेशराज जोशीले बाध्यता बस केहि ग्यास प्रहरी कार्यालयबाट वितरण गर्नु परेको तर प्रहरीले लाईन नबसी अगाडि लिएर गएको कुरा सत्य नभएको बताउनु भयो । “प्रहरीले पनि लाईमा बसेर सर्वसाधारणले जसरी नै ग्यास लगेका होलान लाईन नबसी लान दिएका छैनौं” प्रनाउ जोशीले भन्नु भयो ।
No comments:
Post a Comment