वृक्षारोपण कार्यक्रम सम्पन्न

इश्वरी दाहाल / मिर्गे

 जिल्ला भू संरक्षण कार्यालय दोलखाको सहयोगमा मिर्गे गाविस वडा नं. ५ मा वृक्षारोपण कार्यक्रम सम्पन्न भएको छ । स्थानिय आर्वतन कृषक समूहको आयोजनामा सम्पन्न वृक्षारोपण कार्यक्रममा विभिन्न जातका ४ सय विरुवा रोपिएका छन ।

वृक्षारोपण कार्यक्रममा किम्बु, बडहर, बाँस लगायतका डालेघाँसका विरुवाहरु रोपिएको थियो । पशुपालनमा समेत सहयोग पुग्ने र वातावरण समेत संरक्षण हुने भएका कारण डालेघाँसका विरुवाहरु रोपिएको स्थानिय राजेन्द्र दाहालले जानकारी दिनुभयो । उनका अनुसार कार्यालयले उपलव्ध गराएका विरुवाहरु नाङ्गा पाखा जग्गामा रोपिएको र विरुवा हुर्किएपछि पशुपालनका लागि सहयोगि हुने भएका कारण वृक्षारोपण कार्यक्रममा स्थानिय वासिन्दाहरुको उल्लेख्य उपस्थिती रहेको थियो ।
घाँसका विरुवाहरु पाएपछि स्थानिय वासिन्दाहरु खुसी छन । स्थानिय वासिन्दा शेषमाला तामाङले भनीन “पहिले गाँउमा यस्ता पोसिलो घाँसको विरुवा पाइन्नथ्यो । तर अव गाँउमा यस्ता विरुवा भित्रएका कारण आगामी दिनमा पशुपालन गरेर जीवन चलाउन छोरा नातीहरुलाई सजिलो होला ।”
घाँसकका विरुवा वितरण भएपछि यसले पशुपालनमा त स्थानिय वासिन्दालाई सहयोग गरेको छ नै यसका कारण वातावरण जोगिनुका साथै भू क्षयको खतरा पनि कम भएको छ । पहाडी क्षेत्रमा भू संरक्षणका लागि गरिने प्रयासहरु वहु आयामीक रुपवाट अगााडी वढाउन सकिए त्यसले दीर्घकालिन फाईदा दिन सक्छ ।