गजल : तल तिमी

अर्जुन अपवाद 

तल तिमी माथी म, डेरा एउटै घर थियो
फराकीलो मन मात्रै, साँघुरो शहर थियो ।

आकांक्षाको बिक्रि गर्न, सरिया थ्यो यतातिर
सम्झीराछु आफ्नै  घर, छानो त्यस्को खर थियो ।

अझै नी झझल्को छ, ऐंसेलु र काफल खाको
थकान सबै विसाउने, चौतारीमा बर थियो ।

खै के के हुन्थ्यो हुन्थ्यो, तिमीलाई नभेट्या भा
यसो गर त्यसो गर, तिम्रो धेरै भर थियो ।

गुनासो गर्छौ किन ? दूःखमा प¥या बेला
मेरो मात्रै चाह हो र तिम्रो पनि कर थियो

नदेखेझैं गरें मैले, तिमीलाई थुप्रै चोटी
माया मा¥या कहाँ हो र ? इज्जतको पो डर थियो ।
apawad@hotmail.com