सिन्धुपाल्चोक विपत्ती केही तस्विरहरु

सिन्धुपाल्चोकको मांखा गाविसको जुरेमा यही साउन १६ गते शुक्रबार राती गएको पहिरोमा १ सय ५० बढिको मृत्यु भएको सरकारले बताएको छ । २७ जनालाई उद्धार गरिएको थियो । ५ सय जना विस्थापितहरु अहिले सरकारले बाँडेकेो पालमा दिन कटाईरहेका छन । 

पहाडको ढिस्कै खसेर सुनकोसी नदी थुन्दा बनेको ताल घटाउने प्रयास अझै जारी छ । सरकारले तत्कालै नदी आसपासका क्षेत्रलाई संकटग्रस्त क्षेत्र घोषणा गरी बस्ती खाली गरेपनि अहिले मानिसहरु बस्तीमा फर्कन लागेका छन । पहिरोले बगाएको गाँउ र डुबानमा परेको क्षेत्रका वासिन्दाहरुका लागि सरकारले सरकार अझै के गर्ने भन्ने टुँगोमा पुगेको छैन । पहिरोले क्षतीग्रस्त भएको अरनिको राजमार्गका लागि सरकारले वैकल्पिक मार्ग तयार भएको वताएको छ तैपनी चिनबाट सामाग्रीहरु आयात हुन सकेको छैन । 

पहिरो  गएपछि सहकर्मी रामचन्द्र गिरी पटकपटक घटनास्थल पुगेका थिए । उनले उपलब्ध गराएका केही तस्विरहरु 

नदीमा थुप्रिएको पहिरो।  यो तस्बिर लिँदा सम्म पानीको निकास भएको थियन 

नदी थुनिएपछि सुनसान खाडीचौर बजार।  पहिरोले गर्ने क्षतिको डरले उनीहरु घर पसल छोडी सुरक्षित स्थानमा सरेका थिए।  

पहिरोमा परेका संरचना अवलोकन गर्दै सुरक्षाकर्मीहरु 

नदी थुनिएर बनेको ताल हेर्दै सर्वसाधारण 

घटनाबारे पत्रकारहरुलाई जानकारी दिदै एक स्थानीय 

उद्धारका लागि तयारी गर्दै सुरक्षाकर्मी 

पहिरोले गरेको बिनाश हेर्दै सर्वसाधारण

नदीको पानी निकास सुरु भएपछी ताल घटाउन काम गर्दै नेपाली सेना 

नदीको विनाशलिला 

पहिरोपछि अबरुद्ध यातायात