योग दिवसमा योग शिविर

दोलखा असार ६

अन्तराष्ट्रिय योग दिवसको अवसरमा आईतबार चरिकोटमा योग शिविरको आयोजना गरिएको छ । आर्ट अफ लिभिङ्ग दोलखा, ब्रह्मकुमारी राजयोग चरिकोट र पतञ्जली योग समितिको संयूक्त आयोजनामा सम्पन्न शिविरमा २०० जना सहभागि भएको आयोजकले जानकारी दिएको छ ।
कार्यक्रमको उद्घाटन गर्दै प्रमूख जिल्ला अधिकारी देवेन्द्र लामिछानेले भूकम्पका कारण गाँउगाँउहरुमा योग शिविर सञ्चालन गर्नुपर्ने बताए । योगले मानसिक फाईदा दिन्छ । भूकम्पबाट आहत भएका मानिसहरुलाई केन्द्रित गरि योग कार्यक्रम आयोजना गर्नुपर्छ । कार्यक्रममा बिर्ख क्रान्तिले योग दिवसका बारे अवधारणापत्र प्रस्तुत गरेका थिए । अवधारणापत्र प्रस्तुत गर्दै क्रान्तिले योग पूर्विय समाजको अमूल्य सम्पत्ती भएको कारण यसको व्यपक प्रचार प्रसार गर्न आवाश्यक रहेको बताए । संयुक्त राष्ट्रसंघले योग दिवस मनाउने निर्णय गरेको १ वर्षभित्रमा ८० प्रतिशतभन्दा बढि सदस्य राष्ट्रले यसलाई अनुमोदन गरेका कारण यो विश्वव्यापी बन्दै गएको उनको भनाई थियो ।

दिवसको अवसर पारेर विभिन्न विद्यालयहरुमा योग कक्षा सञ्चालन गरिने आयोजकले जानकारी दिएको छ ।